Жатыр мойны обырының алдын алудың үш қарапайым қадамы
Жатыр мойны обыры — алдын алуға болатын қатерлі ісіктің сирек түрлерінің бірі.
Ең бастысы — дер кезінде біліп, әрекет ету.
1. АПВ-ға қарсы вакцинация (11-26 жас)
Жыныстық өмір басталғанға дейін салынған кезде ең тиімді.
Адам папиллома вирусының (АПВ) қауіпті түрлерінен қорғайды, ал дәл осы вирустар көп жағдайда аурудың себебі болады.
2. ПАП-тест (21-65 жас)
Жатыр мойнындағы обырға дейінгі өзгерістерді анықтауға мүмкіндік береді.
Нәтижесі қалыпты болса, тексеруден әр 3 жыл сайын өту ұсынылады.
3. АПВ-ға ДНҚ-тест (30-65 жас)
АПВ-ның онкогенді (қауіпті) түрлерін анықтайды.
Нәтижесі теріс болған жағдайда — тексеру әр 5 жыл сайын (ПАП-тестпен бірге) жүргізіледі.
Неліктен бұл маңызды?
- Жатыр мойны обыры жағдайларының 90%-ға дейінгісі адам папиллома вирусымен (АПВ) байланысты
- Ауру ұзақ уақыт бойы белгісіз өтуі мүмкін
- Алдын алу және тұрақты скрининг шешуші рөл атқарады
Қауіп факторлары:
- АПВ-ның онкогенді түрлері
- Вирустың ағзада ұзақ уақыт сақталуы
- Жыныстық өмірдің ерте басталуы
- Иммунитеттің төмендеуі
Маңызды ақпарат:
Жатыр мойны обырына скринингті тұрғылықты жеріңіздегі емханада тегін өтуге болады.
Қалауыңыз бойынша тексеруден өтіп, дәрігер кеңесін Ұлттық ғылыми онкологиялық орталықта да алуға болады.
Скрининг — әйел денсаулығын сақтаудың маңызды қадамы.