Скрининг В және С гепатиттеріне
Вирустық В және С гепатиттері көбіне ешқандай белгілерсіз өтеді, бірақ олар ауыр асқынуларға — бауыр циррозына және қатерлі ісікке әкелуі мүмкін. Сондықтан ерте диагностика — денсаулық кепілі.
Неліктен скринингтен өту қажет?
- 2024 жылы Қазақстанда шамамен 400 000 адам В және С гепатиттеріне тексеруден өтті, олардың ішінде 30 000-нан астам науқас қажетті ем алды.
- Диспансерлік есепте 33 462 В гепатитімен және 35 984 созылмалы С гепатитімен науқас тіркелген.
- Вирустық гепатиттермен сырқаттанушылық төрт есеге артты: былтырғы 2,5 жағдайдың орнына 100 000 тұрғынға шаққанда 10,23 жағдайға жетті.
Қазақстан гепатитке қарсы не істеп жатыр?
- Елде 18 жастан асқан барлық азаматтарға арналған жаппай скрининг жүргізілуде, бұл аурудың таралуын азайтуға және ауыр асқынулардың алдын алуға бағытталған.
- Қазақстан Орталық Азияда созылмалы С вирустық гепатитімен күресте және диагностика мен емдеуге қолжетімділіктегі кедергілерді жою бойынша ДДСҰ стратегияларын енгізуде көшбасшы ретінде танылды.
Сіз қазір не істей аласыз?
- Скринингтен өтіңіз — бұл тегін әрі қолжетімді!
- Ерте диагностика уақытында емдеуді бастауға, сауығу мүмкіндігін арттыруға және бауыр денсаулығын қорғауға көмектеседі.
- Есіңізде болсын: С гепатиті толық емделеді, В гепатитін бақылауда ұстауға болады. В гепатитіне қарсы вакцинация 95%-дан астам қорғаныс береді.
Денсаулығыңыздың жарқын болашағына қадам жасаңыз — тексеруден бүгін-ақ өтіңіз!
